Сахалыы тылынан өйтөн суруйууга аһаҕас күрэх Саха Өрөспүүбүлүкэтин Суруйааччыларын сойууһун, Россия суруналыыстарын Сойууһун чилиэнэ, суруйааччы, бэйиэт, суруналыыс Васильев Валерий Васильевич-Муттуххай Бороҥ 60 сааһын туолар сылыгар аналлаах тэрээһин чэрчитинэн ыытыллар.
Тэрийээччи: Үөһээ Бүлүү улууһун «Үөдүгэй нэһилиэгэ» МТ, «Үөһээ Бүлүү нэһилиэктэрин икки ардыларынааҕы кииннэммит библиотечнай ситим» МКТ, Р.П. Матвеева аатынан Үөдүгэй модельнай бибилэтиэкэтэ.
Күрэх сыала: Оскуола үөрэнээччилэрин В.В. Васильев – Муттухай Бороҥ айар үлэтин кытта билиһиннэрии.
Күрэх соруктара:
- Сахалыы ааҕыыны көҕүлээһин.
- Сахалыы толкуйдуур дьоҕуру сайыннарыы.
- Санааны сааһылаан уус – уран тылынан-өһүнэн сурукка тиһэр кыаҕы үөскэтии.
- Сурук-бичик эйгэтигэр талааннаах ыччаты көрдөөн айымньылаах үлэни ааҕааччыга билиһиннэрии.
Ыытыллар кэмэ: Үлэни ахсынньы 18 күнүттэн 24 күнүгэр диэри “Өйтөн суруйуу” диэн суруктаах маннык аадырыска ыытыллар: vvlib_6@mail.ru. Ыйыллыбыт кэм кэнниттэн киирбит үлэлэр көрүллүбэттэр.
Хабар эйгэтэ: Күрэххэ 8 – 11 кылаас үөрэнээччилэрэ кытталлар.
I бөлөх 8-9 кылаас, II бөлөх 10-11 кылаас үөрэнээччилэрэ.
Кыттаачылар үлэни кытта Анкета толорон ыыталлар.
Кыттааччы анкетата:
- Араспаанньата, аата, аҕатын аата
- Үлэтин аата
- Улууһа, нэһилиэгэ, оскуолата, кылааһа
- Салайааччыта
- Төлөпүөнэ, электроннай почтата.
Үлэлэр 14 кээмэйдээх шрибинэн, 1.5 интервалынан бэчээттэммит (үөһэ өттө – 2см., аллараа – 2см., хаҥас – 3 см., уҥа – 1.5 см.) 3 сирэйтэн тахсыа суохтаахтар.
Өйтөн суруйуу темата: В.В. Васильев-Муттуххай Бороҥ «Баайыы бурдук», «Бээгэй», «Ийэ сүрэҕэ» кинигэлэриттэн сөбүлээбит тэттик кэпсээннэрин ааҕан баран бэйэ санааны суруйуу, ырытыы. Суруйааччы электроннай кинигэлэрин бу сигэнэн сирдэтэн көрүөххүтүн сөп https://edugey.vvlibr.ru/wp-admin/post.php?post=4512&action=edit
Өйтөн суруйуу маннык ирдэбиллэринэн сыаналанар:
- талыллыбыт тиэмэни сөптөөхтүк арыйыы;
- тиэмэҕэ тус бэйэ сыһыанын, толкуйун киллэрии;
- саҥаны сатаан сааһылаан суруйуу, уус-уран хомоҕой тылы туттуу;
- грамматика быраабылаларын сөпкө туһаныы.
Түмүк таһаарыы: Күрэҕи анал хамыыһыйа сыаналыыр. Түмүк ахсынньы ый 26 күнүгэр Р.П. Матвеева аатынан Үөдүгэй бибилэтиэкэтин саайтыгар https://edugey.vvlibr.ru/ уонна ВК канаалыгар https://vk.com/edugei_bibl тахсар.
Биһирэбил: кыттыылаахтарга туоһу сурук, салайааччыларга махтал сурук, кыайыылаахтарга добун сурук, биһирэммит үлэлэргэ анал ааттар иҥэриллиэхтэрэ уонна Үөдүгэй нэһилиэгин дьаһалтатын анал бириистэрэ олохтонуохтара. Бастыҥ үлэлэр «Үөһээ Бүлүү» хаһыакка бэчээккэ тахсаллар.
Аадырыспыт: 678230, Саха өрөспүүбүлүкэтэ, Үөһээ Бүлүү улууһа, Андреевскай сэлиэнньэтэ, Школьная уулусса 11А.
Билсэр тел.: 89142639058 (Тамара Герасимовна), 89142975593 (Людмила Александровна)