Бүгүн ыам ыйын 6 күнүгэр, Улуу Кыайыы 78 сылын көрсө, Үөдүгэйдээҕи КК уонна олохтоох бибилэтиэкэ “Тыыннахтар умнубат сыллара” ырыа-хоһоон түһүлгэтин тэрийдилэр. Үөдүгэйтэн төрүттээх СӨ суруйааччыларын сойууһун чилиэнэ, РСФСР үөрэҕириитин туйгуна, учуутал, бэйиэт П.П. Одорусов, СР уонна Россия суруналыыстарын сойууһун чилиэнэ В.В. Васильев-Муттуххай Бороҥ хоһооннорун Сардана Габышева, Любовь Васильева, Тамара Саввинова аахтылар. Ону сэргэ ытык дьонноругар сэрии, тыыл бэтэрээннэригэр анаабыт хоһооннорун Үөдүгэй нэһилиэгин айар куттаахтара Антонина Хобусарова, Раиса Васильева, Федора Дмитриева-Хотунаа, Любовь Григорьева, Виктория Павлова дьоҥҥо-сэргэҕэ иһитиннэрдилэр. Тэрээһини “Дьүөгэ” ветеран дьахталлар түмсүүлэрин ырыа бөлөҕө, байаньыыс Валерий Донской, бэйэтэ айбыт ырыатынан Николай Чуручанов киэргэттилэр. Түмүккэ күргүөмүнэн ырыа ыллаан, өйдөбүнньүк хаартыскаҕа түһэн, Герасим Хобусаров видеоҕа устан бу киэһээни үйэтиттилэр. /Виктория Павлова/