Бүгүн Үөһээ Бүлүүтээҕи “Остуоруйа” оҕо саадын иитиллээччилэрэ Үөдүгэйдээҕи Кыайыы скверын стеллатыгар, Саха сирин буойуннарыгар сүгүрүйэн, сибэкки уурдулар. Ону тэҥэ сааскы чаҕылхай сылаас күн турбучча ыксаабакка, бэрт сатабыллаахтык күргүөмүнэн хоһоон арааһын аахтылар уонна Бүтүн Россиятааҕы “Окна Победы” аахсыйаҕа кытыннылар. Бу курдук кырачааннар симэлийбэт тутаах өйдөбүллэри билэ улааталлара, өрөгөйдөөх күн суолтатын эттэринэн-хааннарынан иҥэринэллэрэ олус кэрэхсэбиллээх. Бүгүҥҥү күн кэрэһиттэрэ хаартыскалары көрүҥ, сэргээҥ!