Бүгүн Д.С. Спиридонов аатынан оскуола үөрэнээччилэрэ, уһулуччулаах биир дойдулаахпыт Исидор Никифорович Бараахап 125 сылыгар аналлаах, “Бараахап дьыктаана” акцияҕа кытыннылар. Барыта 18 оҕо (6-10 кылаастар) дьыктааны суруйдулар. Оҕолор бары да олус билиилээхтэрин көрдөрдүлэр, 25 ыйытыктан саамай кырата 12 боппуруоска сөпкө хоруйдаабыттар, үксэ 18- 19 баал ылбыттар. Барыларыттан чорбойон 20 баалы 10 кылаас үөрэнээччитэ Иванова Лилиана ылла. Лилиананы эҕэрдэлиибит уонна инникитин да төрөөбүт дойдутун устуоруйатын, киэн туттар дьоммут-сэргэбит олоҕун үөрэтэ-билэ турдун диэн баҕарабыт! Онтон бу киэһээ 5 чааска библиотекаҕа улахан дьон билиитин тургута дьыктаан суруйа кэлэрин күүтэбит.